ລະວັງຄົນ “ຄົນສວຍໂອກາດ” (ແອບອ້າງສິດ)

ໃນໄລຍະຊຸມປີຜ່ານມານີ້ ໄດ້ເກີດມີເຫດທີ່ຫຼາຍໆທ່ານອາດບໍ່ຄາດຄິດ ແລະ ອາດຕົກເປັນຜູ້ຖືກເຄາະຮ້າຍມາແລ້ວກໍ່ເປັນໄດ້. ນັ້ນກໍ່ຄືເຫດການ ທີ່ບຸກຄົນ ຫຼື ກຸ່ມຄົນ ຈຳນວນໜຶ່ງ ແອບອ້າງສິດຂອງເຈົ້າໜ້າທີ່ຕຳຫຼວດ ສະກັດກັ້ນ ແລະ ຕ້ານອັກຄີໄພ (ດັບເພີງ) ເພື່ອຈຳໜ່າຍອຸປະກອນດັບເພີງ ໂດຍພວກເຂົານຳໃຊ້ຮູບການ ດັ່ງນີ້:

1. ນຳໃຊ້ເອກະສານທາງການທີ່ເຊັນ ແລະ ປະທັບຕາ ຂອງກົມຕຳຫຼວດ ສະກັດກັ້ນ ແລະ ຕ້ານອັກຄີໄພ. ມີ ເລກທີ xxxx/xxx, ລົງວັນທີ……. ແຕ່ເລກທີ xxxx/xxx ດັ່ງກ່າວ ບໍ່ມີໃນບັນທຶກຂາອອກຂອງກົມກອງ. ບັນດາເອກະສານປະກອບມີ: ໃບສະເໜີ, ໃບແຈ້ງລາຄາ, ໃບຮັບເງິນ,​…
2. ນຸ່ງເຄື່ອງແບບຕຳຫຼວດຄົບຊຸດ ເພື່ອໄປພົວພັນ ຫຼື ກວດກາຄວາມປອດໄພ ທາງດ້ານອັກຄີໄພ ຕາມບັນດາ ສຳນັກງານ, ອົງການ ຂອງລັດ ແລະ ເອກະຊົນ. ຫຼື ບາງເທື່ອກໍ່ມີຄົນພາຍໃນ ສຳນັກງານ ທີ່ມີຜົນປະໂຫຍດຮ່ວມກັນ ເປັນຜູ້ຊ່ວຍເຫຼືອ (ສົ່ງເສີມ).
3. ຫຼັງຈາກນັ້ນພວກເຂົາກໍ່ຈະສະເໜີໃຫ້ສຳນັກງານດັ່ງກ່າວຕິດຕັ້ງອຸປະກອນດັບເພີງເພີ່ມເຕີມ ສົ່ງໃບແຈ້ງລາຄາອຸປະກອນໄປໃຫ້ ເມື່ອໄດ້ຮັບການເຫັນດີ ຈາກລູກຄ້າແລ້ວ ພວກເຂົົາ ກໍ່ຈະດຳເນີນການສົ່ງສິນຄ້າ ແລະ ສົ່ງໃບຮັບເງິນ ທີ່ມີການປະທັບຕາກົມກອງ ໃຫ້ກັບລູກຄ້າ.

ນີ້ແມ່ນຮູບການເຄື່ອນໄຫວຂອງກຸ່ມຄົນດັ່ງກ່າວ. ຖ້າຫາກຜູ້ໃດພົບເຫັນການກະທຳ ດັ່ງກ່າວ ກະລຸນາຖາມຊື່ ແລະ ເບີໂທ ຂອງເຂົາເຈົ້າ ແລ້ວໂທ ຫາຂ້າພະເຈົ້າ ທີ່ໝາຍເລກ: 020 99992564.